Борбата за опстанок во Првата македонска фудбалска лига ќе биде голема, повеќе екипи се израмнети на дното од табелата и практично ги очекува неизвесна пролет до крајот на мај кога ќе заврши тековната сезона 2024-2025.
Од табелата може да се виде дека пет екипи се најмногу загрозени за опстанок. Воска Спорт која е на дното со 19 бодови, потоа екипите на Беса, Брера и Тиквеш кои имаат по 21 бод и Вардар кој е на осмото место со 22 бодови или во зоната за директен опстанок.
Овие екипи ќе се борат да ги избегнат последните две места кои директно водат кон испаѓање во Втора лига, како и десеттото место кое води кон баражот за можен опстанок во Прва лига, а тој меч прволигашот кој ќе заврши на 10. место го игра со третопласираниот тим во Втората лига на неутрален терен.
Во следното коло Воска Спорт ја очекува тешко гостување кај Гостивар, исто така и Беса ќе има тежок меч со гостување кај Работнички, на тешко гостување оди и Брера Струмица кај Шкендија во Тетово, Тиквеш ќе гостува во Кратово кај Силекс, Пелистер ќе го пречека Вардар, а пак шампионот Струга Трим Лум ќе игра со Шкупи покрај езерото.
- ЦЕЛА ТАБЕЛА ОД ПРВА ЛИГА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК ШКЕНДИЈА АД | 24 | 14 | 8 | 2 | 39 | 19 | +20 | 50 |
| 2 | ФК СИЛЕКС АД | 24 | 14 | 6 | 4 | 41 | 15 | +26 | 48 |
| 3 | ФК РАБОТНИЧКИ АД | 24 | 12 | 9 | 3 | 29 | 13 | +16 | 45 |
| 4 | КФГ ГОСТИВАР АД | 24 | 11 | 11 | 2 | 31 | 13 | +18 | 44 |
| 5 | ФК СТРУГА-ТРИМ-ЛУМ АД | 24 | 11 | 5 | 8 | 30 | 30 | 0 | 38 |
| 6 | ФК ШКУПИ-1927 АД | 24 | 9 | 4 | 11 | 35 | 32 | +3 | 31 |
| 7 | ФК ПЕЛИСТЕР АД | 24 | 7 | 8 | 9 | 14 | 23 | -9 | 29 |
| 8 | ФК ВАРДАР АД | 24 | 5 | 7 | 12 | 20 | 33 | -13 | 22 |
| 9 | ГФК Тиквеш 1930 АД Кавадарци | 24 | 4 | 9 | 11 | 12 | 23 | -11 | 21 |
| 10 | ФК АП БРЕРА СТРУМИЦА АД | 24 | 5 | 6 | 13 | 25 | 41 | -16 | 21 |
| 11 | ФК БЕСА 1976 АД | 24 | 5 | 6 | 13 | 20 | 37 | -17 | 21 |
| 12 | ФК ВОСКА СПОРТ АД | 24 | 4 | 7 | 13 | 22 | 39 | -17 | 19 |
