Високи и убедливи победи за фаворитите во рамки на 8. коло од плеј-офот на женската ракометна Суперлига, во натпревари кои се одиграа во саботата.
Шампионот и лидер Ѓорче Петров со 29:21 лесно стигна до победа против Вардар. На полувреме резултатот беше 15:9, а во вториот дел „лавиците“ одиграа само на рутина.
Најдобри кај Ѓорче Петров беа Ана Вранчиќ и Ивана Дежиќ со по шест реализации, а кај Вардар со по четири гола се истакнаа Марија Голабоска и Леона Миленковска.
Металург Автокоманда на домашен терен однесе висока победа со седум гола разлика односно 27:20 против Куманово. Во првиот дел домашниот тим имаше предност од четири гола на полувреме кога резултатот беше 13:9, па во вториот дел разликата се зголеми на плус седум за конечни 27:20.
Јана Ѓошевска со седум реализации беше најдобар кај Металург Автокоманда, а ја следеше Марија Јанкуловска со седум гола.
Кај екипата на Куманово најмногу се истакна Сузана Зечевиќ која имаше осум реализации.
Чаир беа проблеми стигна до нова победа откако на домашен терен го доби Астибо со резултат од 32:27, а на полувреме резултатот беше 19:10.
Најдобра кај Чаир беше Стефанија Ѓеоргиевска која имаше 12 погодоци, додека пак кај Астибо Марија Анчева постигна 15 гола, но беа доволни за победа на нејзиниот тим.
Во рамки на 2. коло на плеј-аутот од женската Суперлига, екипата на Шампион доживеа вистински потоп откако беше поразена со 20:40, Пелистер со 31:20 го декласираше тимот на Овче Поле од Свети Николе, а пак Стружанка дома беше поразена од Спартак со 15:24.
