На воведниот меч од 14. коло на Првата футсал лига на Македонија, екипата на Проект со 4:6 триумфираше против Шкупи.
За домашниот тим Сали Салиевски беше двоен стрелец, а по еден гол постигнаа Зекир Зејнели и Љавдрим Фазлију, а пак за гостинскиот тим стрелци беа Наум Блажевски, Ѓорги Коцевски, Горан Стојанов, Давид Блажевски, Кристијан Гавровски и Бојан Јанев.
Денес висока победа забележа екипата на Форца откако со 10:3 славеше против Црна Река од Кавадарци.
За шампионот по три гола постигнаа Берат Рамадани и Иван Крстевси, два гола постигна Зоран Левески, а по еден гол постигнаа Иван Стојановски и Куштрим Даути.
Утре Железарец ќе игра против Клими, а колото се затвара во понеделник со мечот меѓу Кеги Моби и Јувентус Серава во Велес, како и мечот меѓу Осогово и Бутел во Крива Паланка.
