ФОТО: Реми на супер-дербито меѓу Големо Коњари и Превалец, Ристовски со пет гола го потопи Дреново, нема победник во Крушево!

Во рамки на денешното 15. коло во Трета лига – Југ се одигра супер-дербито меѓу Големо Коњари и Превалец, ова беше соочување на првопласираниот и третопласираниот тим на патот кон баражот за Втора лига, а дерби кое заврши без победник со по еден гол (1:1) и поделба на бодовите.

Реми и бод кое му одговара на Големо Коњари, а меч каде и двете екипи имаа свои периоди од играта, моменти и шанси да го решат натпреварот.

Втората зона на домашниот тим во еден момент затајуваше, имаше „дупки“, а тоа го искористи гостинот кој преку Давид Секуловски казни за 0:1 во 39. минута. Но, радоста траеше многу малку откако Онур Имероски во 42. минута постигна гол за 1:1 на полувреме.

Во вториот дел двете екипи имаат свои моменти во финишот Превалец беше побрз по теренот и правеше обиди за гол, шансите се редеа и на страната на Големо Коњари, кои имаше дури 12 корнери, во однос на четири кои ги имаше гостинот, но мрежите во вториот дел мируваа, а во однос на офсајдите гостинскиот тим влегуваше дури седум пати во офсајд замката, а домаќинот трипати, па резултатот од 1:1 стана конечен.

Денес беше вистински фудбалски празник во Големо Коњари, прилеското село живее за фудбалот и спортот. Денес имаше над 500 посетите кои околу теренот од две страни го следеа натпреварот и даваа поддршка за домашниот тим.

Немаше победник ниту во Крушево каде со 1:1 ремизираа Питу Гули и Слога од Лажани.

Соте Волчески во 5. минута постигна гол за 1:0 и водство на домашниот тим, а пак гостинот преку Андријан Волчески во 47. минута ги постави конечните 1:1.

Дреново на домашен терен доживеа вистински потоп откако беше декласираше од тимот на Венец од Долни Дисан во меч каде искусниот Петар Ристовски постигна гола и практично сам го реши мечот, а за домашниот тим Армен Мемедов кој е најдобар стрелец во лигата беше единствен стрелец.

Башкими 2008 со минимални 1:0 го доби Младост од Кривогаштани на теренот во Чашка и со тоа тимот ја продолжува трката со Големо Коњари и Превалец за првото место и баражот. Херој на мечот беше Зани Ахмедовски кој стрелаше во 73. минута.

Ултрас и Бучин ги поделија бодовите откако двете екипи постигнаа по еден гол за конечните 1.1. Домаќинот преку Бобан Тошевски го отвори резултатот во 28. минута, а во 37. минута Андреј Николовски ги постави конечните 1:1.

• ЦЕЛА ТАБЕЛА ОД ТРЕТА ЛИГА – ЈУГ: