Вардар како на тренинг натпревар со убедливи 9:0 го декласираше во целост Борец, во воведниот меч на 9. коло на Втората женска фудбалска лига.
Девојките на Теодора Димитровска беа повеќе од убедливи и доминантни на „Цементарница“ во меч каде искусната Теодора Јанковска постигна пет погодоци.
Двоен стрелец на мечот беше Матеја Анчевска, а по еден гол постигнаа Ива Новак и Елена Костадиноска.
Колото се комплетира утре со останатите три натпревари. Лидерот Кочани на домашен терен ќе игра со Порече Билјанини Извори ќе биде домаќин на Плачквица, Победа Валандово на домашен терен против дебитантот Слободен.
