Започна пролетната полусезона во Трета лига – Север со натпреварите од 14. коло, а во рамки на истото лидерот Шкендија Арачиново со минимални 1:0 славеше против БВК Коњаре со голот на Мргим Дани постигнат во 52. минута од мечот.
Куманово преку пресврт со совлада Аеродром со резултат од 2:1 на домашен терен стартот од пролетниот дел. Апостоловски постигна гол за водство на гостинот, а домашниот тим преку Стевчевски израмни на 1:1.
Во вториот дел Јовановски постигна гол за конечни 2:1 и три бодови на контото на Куманово.
Башкими Љуботен и Фортуна ги поделија бодовите во првото пролетно коло откако двете екипи одиграа 1:1. Гостинот преку Сефо прв го отвори резултатот, а пак Чупи во 71. минута ги постави конечните 1:1.
Во дербито од дното на табелата на новајлиите Пчиња и Њу Старс победник немаше, двете екипи ремизираа играјќи 1:1. Стојановски во 48. минута го отвори резултатот за водство на Пчиња, а пак Блажески постигна гол за 1:1.
Поранешниот второлигаш Кадино со 5:0 ја декласираше Академија Илинден, во меч на тотална доминација. Иванвоски беше двоен стрелец, а по еден гол постигнаа Ѓорѓијев, Сулемани и Крстевски.
Еуромилк ГЛ на домашен терен загуби од новајлијата Ржаничино со резултат до 1:2 за голема радост на гостинскиот тим. Миленковски постина гол за 0:1 на полувреме, а во вториот дел Калач стрелаше за 0:2, но брзо потоа во 55. минута Трифуновски погоди за конечни 1:2.
Во меч со девет гола Риниа со 5:4 го совлада тимотна Беса од Слупчани. Во првиот дел паднаа четири гола за 2:2, па победникот се решаваше во вториот дел. Арифи беше двоен стрелец за домаќинот, а по еден гол постигнаа Јусуфи, Имери и Таири, а пак за гостинот двапати погоди Фетаи, а по еднаш Исмаили и Бајрами.
