Поранешните прволигаши Борец и Победа во директно соочување за опстанок во Втора лига

Денес на Градскиот стадион во Велес ќе се соочат екс прволигашите Борец и Победа, но овој пат во дерби дуел од дното на табелата и дерби за опстанок во Втората македонска фудбалска лига.

Два фудбалски бренда кои со години се мачат и се далеку од резултатскиот ритам, од успесите и од борбата за Европа и тулата во Првата лига. Борец кој од Прва лига испадна во Втора лига, потоа експресно испадна и во Трета лига – Југ, ова се зона се врати во второлигашкото друштво, но тимот сезонава ќе води борба за опстанок.

Низ случна судбина поминува и Победа, која пред две сезони испадна од Прва лига, а лани пак преку бараж совладувајќи го шампионот на Трета лига – Север, Куманово, се избори за опстанок.

Токму Победа многумина ја отпишуваа од таа борба за опстанок, а со оглед на тежината на тој меч, а на крајот и големата радост на стадионот во Ѓорче, прилепчани сезонава сакаат директен опстанок, со цел да го избегнат тој бараж бидејќи баражите ќе бидат исклучително тешки бидејќи има конкуретни екипи како Слога Виница, Влазерими, Шкендија Арачиново…

Двете екипи пролетниот дел го отворија со ремија и поделба на бодовите, Борец одигра 1:1 против Башкими во Куманово, Победа дома 0:0 против Брегалница, интересно и двете екипи откинаа бодови од фаворити за Прва лига.

Борец со триумф ќе ја напушти по првпат опасната зона и ќе може да влезе во бараж зоната, ако Осогово загуби на „Железарница“ во Автокоманда од Скопје. Победа, пак, се надевам на позитивен исход, бидејќи со триумф припчани може да се вратат на 12. место, но сериозно ќе направат исчекор и ќе се одлепат од опасната зона.

Тежината на овој меч е голема, психолошкиот притисок е голем и на двете страни, а тоа го прави овој меч да биде дерби соочување на два екс прволигаши во битката за опстанок во Втора лига.

Еве како изгледа табелата пред почетокот на натпреварот Борец и Победа, односно воопшто пред почетокот на 17. коло.