Третолигашот Слога Виница одигра меѓународен пријателски натпревар во Бугарија каде со минимални 2:1 беше поразен од тимот на Банска, во меч кој се одигра во Сандански. Овој меч беше уште една можност за проверка на формата, а стрелец за македонскиот третолигаш беше Филип Николовски.
Во однос на екипата на Банско која се натпреварува во Третата фудбалска лига на Бугарија гради тим и се бори за влез во Втората бугарска лига.
Слога Виница изгради квалитетен тим, со одлична организација во тимот, поставеност на ниво на прволигашка екипа, а тимот на Емил Грнев беше и на зимски подготовки во Дојран, што само по себе зборува фактот што третолигашот од Виница е одлично организиран и реално има услови какви најголем дел од второлигашите немаат.
Слога Виница во пролетниот дел лесно ќе го потврди првото место, па останува баражот како последна пречка за враќање на тимот од Виница во Втората лига.
