Најдобрата македонска тенисерка Лина Ѓорческа загуби во првата рунда на ВТА 125 Челинџер турнирот во Љубљана кој се игра за награден фонд од 100.000 евра.
Ѓорческа во првото коло играше со осмата носителка Полина Кудерметова од Русија.
21-годишната руска тенисерка која се наоѓа на 164-то место на ВТА листата го доби мечот со 2-0 во сетови (61 62) за еден час игра. За настап во првото коло на турнири од оваа категорија се добива еден поен.
Инаку, Ѓорческа ќе продолжи со настапите на турнирот бидејќи во конкуренција на двојки е пријавена да игра со Џил Тајхман од Швајцарија. Тие во првото коло ќе играат против третите носителки сестрите Надја и Марина Колб од Украина.
Следната недела Ѓорческа учество ќе земи учество на турнир во Пазарџик, Бугарија.