На Градскиот стадион во Велес, второлигашите Борец и Скопје одиграа пријателски меч кој заврши со триумф за „пиратите“ од Автокоманда со резултат од 0:2.
Ова беше меч каде и двете екипи ја проверуваа формата за пролетниот дел од сезоната кој ќе започне на 15. февруари, а каде Борец го очекува тешка борба за опстанок. Стратегот Горан Симов го очекува тешка задача со некогашниот прволигаш од Велес, да го избори опстанокот во Втората лига.
Борец пролетниот дел го отвара на гостински терен против Башкими, додека пак Скопје отвара против Вардарски во Богданци.
