Изминатите денови активно се работи на подобрување на условите на фудбалското игралиште во Росоман за пролетниот дел од сезоната. Се работи на чистење на теренот околу игралиштето, соблекувалните, поставена и ограда со цел да се подобри амбиентот на теренот, а се со цел поранешниот второлигаш Росоман да добие подобри услови на теренот.
„Деновиве напорно се работи на фудбалското игралиште во Росоман. Благодарение на ЈП Комуналец Росоман, исчистен е просторот околу игралиштето и соблекувалните и ставена е ограда за да се подобри амбиентот на теренот. За почетокот на новата полусезона ќе имаме одлични услови за игра и за остварување на добри резултати“, се вели во сооштението од клубот.
Росоман во минатото една сезона настапуваше во Втора лига – Исток, но експресно испадна и сега е дел од Трета лига – Југ.
