Второлигашот Кожуф на пријателски меч го совлада прволигашот Тиквеш на Градскиот стадион во Гевгелија со минимални 1:0. Стрелец на единствениот гол беше искусниот Сашо Дуков, кој успешно реализираше од белата точка, а кој всушност погоди против својот поранешен клуб.
Прволигашите и второлигашите влегуваат во финишот од зимските подготовки за вториот дел од сезоната, па пред нив преостанува одигрување на „генералките“ како последен тест за проверка на формата за пролетната полусезона.
Кожуф е во средината на табелата, а вториот дел од сезоната го отвара против Каменица Саса на гостински терен во изменет лик. Што се однесува до Тиквеш, кавадаречкиот прволигаш ќе бара опстанок во Првата лига, а пролетниот дел го отвара против лидерот Силекс во Кратово.
