Второлигашот Детонит Плачовица од Радовиш денес одигра пријателски натпревар против Вихрен во Сандански, Бугарија, истиот го загуби со 3:2 од бугарскиот тим, но радовишани одиграа одлично, за што и тренерот Горан Здравков е задоволен од мечот, од темпото, од теренот кој бил одличен за игра.
Стрелци за радовишкиот тим на натпреварот беа Дамјан Масевски и Лука Трајковски, а за Вихрен стрелци беа Пехливанов, Китан Василев и Алекс Тренков.
„Oдличен натпревар, меѓународен пријателски меч, кој го одигравме во Сандански, Бугарија, теренот беше одличен за игра, одлични временски прилики, со добро темпо, одигравме одлично, задоволен сум од залагањето на играчите. Сите играчи добија шанса на денешниот натпревар. Тимот се оформува, ни следува сега генералката против Силекс во Кратово и полека подготвени влегуваме за пролетниот дел од Втората лига“, изјави тренерот Здравков за Спортска Мрежа.
Пред Детонит Плачковица следува „генералката“ против прволигашот Силекс во Кратово, а пролетниот дел од Вторта лига, екипата на Детонит Плачковица ќе го отвори против Новаци на гостински терен.
