Денес на стадионот „Билјанини Извори“ во Охрид се одигра пријателски меч на прволигашите Пелистер и Беса од Добри Дол, меч кој заврши со триумф од 0:2 за тимот на Беса.
Овој меч беше последен во рамки на подготовките на Пелистер во Охрид, каде изминатиот период ја реализираше главната фаза од зимските подготовките. Стрелци за тимот на Горазд Михаилов беа Арсим Љамалари и Адмир Љатифи за триумф против битолскиот тим.
Пелистер пролетниот дел го отвара на домашен терен против Брера Струмица, додека пак Беса на истиот овој терен односно на СРЦ „Билјанини Извори“ ќе игра дерби од долниот дел на табелата против охридска Воска Спорт.
