Јанг Тим од Струга денес учествуваше на еднодневен турнир во Струмица, кој се играше во СРЦ Рекреативо, каде тимот на Јанг Тим стана шампион со генерација 2016, додека пак со генерација 2014 го освои четвртото место.
Јанг Тим имаше одличен настап на турнирот, а покрај учеството на овој турнир, овие две генерации утре ќе имаат и пријателски натпревари со Брера Струмица.
Во Струмица исто така е и генерацијата 2013 на Јанг Тим, која одигра пријателски натпревар со Хоризонт Турново, а утре ќе одигра уште два пријателски натпревари со Беласица и Брера Струмица.
„15 натпревари, многу победи, многу голови, незаборавни моменто, одлична средина, топло добредојде од организаторите и сите присутни, фантастични деца, одлично искуство. Честитки за малите шампиони, благодарност до родителите за големата поддршка“, велат од Јанг Тим.
Со генерација 2016 екипата на Јанг Тим со 4:0 го декласираше Азури, со 1:0 славеше над Биџо, потоа победа од 3:2 Јанг Тим забележа и над Брера, со Хоризонт Турново ремизираше играјќи 0:0, а пак Јанг Тим со 2:0 беше подобар од Беласица.
Трој Тафа беше прогласен за најдобар играч на турнирот.
Со генерација 2014 екипата на Јанг Тим ремизираше против Брера играјќи 1:1, забележа победа против Биџо од 1:0, реми против Тони од Прилеп, пораз од Форца од 1:3 и пораз од Брегалница од минимални 0:1.
Турнирот е еднодневен на кој учество земаа силни фудбалски школи од цела Македонија, каде покрај Јанг Тим од Струга, учествуваа Биџо од Куманово, Брегалница Кидс од Штип, Брера Струмица, Тони од Куманово и Форца од Скопје.
