Екипата на Охрид ги започна зимските подготовките за вториот дел од сезоната на Втората македонска фудбалска лига, откако денес беше одработен првиот тренинг.
За темпирање на формата Охрид ќе одигра и пет пријателски натпревари, а клубот во пролетниот дел ќе влезе во нешто измет лик. Охриѓани се разделија со неколку играчи кои се „странци“, односно доаѓаат од други градови, меѓу нив и најдобриот стрелец Сашо Дуков, кој постигна шест гола за клубот, а сега шанса ќе добиваат домашните играчи и играчите од младинските погони на клубот.
Охрид катастрофално ја отвори сезоната, а тоа резултираше со оставка на тренерот Никола Илиевски – Џиџи, по што клубот се одлучи за младиот Ромео Кочоски да го води тимот, кој од привремено решение премина во трајно решение, а тоа се потврди со одлична игра и крај на резултатската криза, со што Охрид есенскиот дел го заврши на делба на шесттото место со Каменица Саса со по 24 бодови, а пак пролетниот дел го отвара против лидерот Македонија ЃП.
Пролетната полусезона стартува на 15. февруари со натпреварите од 16 коло.
