Борец од Велес за пролетниот дел од Втората лига го претстави првото зимско засилување, се работи за голманот Матеј Андонов, кој во Велес доаѓа од второлигашот Охрид.
Како што е познато Борец го именуваше искусниот стратег Горан Симов за нов шеф на стручен штаб, а сега тимот започнува со засилување на тимот.
Борец сака сигурност на голот, затоа и се одличи за нов чувар на мрежата, а новиот голман на велешани има настапувано и за екипите на Силекс, Осогово, Кадино, како и за младинските погони на Работнички и Вардар, од каде и потекнува.
Пред Борец е неизвесна полусезона, бидејќи тимот презимува на претпоследното место или во зоната за директно испаѓање со само пет бодови.
Во следните денови се очекуваат засилувања во сите линии на тимот, а целта е сигурен и директен опстанок.
Пролетниот дел ќе биде отворен на 15. февруари, а Борец ќе гостува кај Башкими.
