Екипата на Речица ги започна подготовките за предизвиците кои ќе следуваат во пролетниот дел од Првата женска фудбалска лига.
Целта на екипата е опстанок во елитата за што ќе следува тешка пролетна полусезона. Екипата е претпоследна на табелата или во бараж зоната, бидејќи тетовска Шкендија се откажа од натпреварување пред стартот на сезоната значи дека се смета за формално испадната екипа, па битката ќе биде да се избегне претпоследното место кое води кон баражот за опстанок во Прва лига.
На вчерашниот прв тренинг екипата не беше комплетна, а истата ќе се комплетира во текот на подготовките.
Поради снегот и снежните услови првиот тренинг фудбалерките на Речица го одработија во сала.
Пролетниот дел Речица го отвара дома против струшки Ас Јунајтед.
