Фудбалската репрезентација на Македонија одигра само 1:1 против Фарски Острови во Торшавн на стартот од новото издание во Лигата на нации.
Иако сите очекуваа сигурен триумф за Македонија, сепак мечот донесе големо изненадување, прокоцкани сигурни бодови, со оглед дека македонските фудбалери беа големи фаворити во дуелот со Фарски Острови, но тоа не беше потврдено и на терен.
Два погодоци и двата од пенали. Во седмата минут од мечот Вољормур Давидсен беше сигурен од белата точка, откако Ахмед Иљазовски влечеше во сопствениот шеснаесетник, а потоа Македонија тргна со инцијатива имаше шанси, но без успешна завршница. 1:0 беше исходот по првите 45 минути.
Во вториот дел Македонија веднаш израмни, од пенал, а сигурен реализатор беше Енис Барди. До крајот на мечот Македонија се обидуваше да дојде до комплетен пресврт, но не успеа во таа цел, а на крајот мораше да се задоволи само со бод.
Селекторот Благоја Милевски по мечот истакна дека не е задоволен од првото полувремем, а ниту пак е задоволен и од дебитантите Митровски и Иљазовски.
„Не сум задоволен од првото полувреме, не можам да бидам задоволен и од дебитантите. Митровски и Иљазовски и затоа ги заменив на полувреме. Од реакцијата во вториот дел сум позадоволен. Ме загрижува тоа што денес не видов доволна емоција кај одредени фудбалери. Со таква емоција не може да се игра за Македонија. Потенцирав дека дуел играта на домашните фудбалери е силна страна, можете да ги превенирате, но не и да ги предвидите. Кога не реализирате такви шанси како нашите попладнево, што би коментирал. Самите фудбалери повеќе од сите нас сакаа да постигнат погодок“, рече селекторот Милевски.
Нашата репрезентација уште вечерва се враќа во Скопје, а од утре фокусот ќе биде ставен на мечот против Ерменија кој се игра на домашен терен.
Александар Ванев, Спортска Мрежа