Фудбалската школа Некст Левел од Охрид прослави четири години од нејзиното основање. Голем број на дечиња се дел од Некст Левел, а фудбалската школа зад себе има и два големи меѓународни турнири.
Како што веќе информираше Спортска Мрежа пријавите за „Некст Левел 2025“ се отворени, а истиот ќе се одржува во период од 16. до 19. јуни 2025 година.
Овој турнир е за генерации 2012/2013, 2014/2015 и 2016/2017, но како што најавивме, фудбалската школа Некст Левел по повод четвртиот роденден најавува уште еден голем меѓународен турнир, кој ќе биде за генерација 2010 и генерација 2011, а истиот ќе се одржува во период од 30. јуни до 3. јули 2025 година.
Пријавите и за овој турнир се отворени, истиот е од меѓународен карактер и може да се пријават екипи од Македонија, Хрватска, Бугарија, Албанија, Србија, Црна Гора и Косово.
Пријавувањето можете да го направите на +389 72 264 509 кај Марино Маркоски или на email marino.markoski@gmail.com
Овој турнир за генерација 2010 и 2011 е голем турнир и ќе се игра во формат 10+1.
Натпреварите ќе се одиграа на СРЦ „Билјанини Извори“ во Охрид.
Спортска Мрежа ќе биде медиумски покровител на овој спортски настан, а во следниот прериод преку емисии и разговори ќе го најавуваме овој голем фудбалски настан кој ќе се одржува трета година по ред, дополнително ќе најавуваме и други изненадувања поврзани со „Некст Левел 2025“.
Ве очекуваме и се гледаме на СРЦ „Билјанини Извори“ во Охрид.
Спортска Мрежа и на првите две изданија во 2023 и 2024 година беше медиумски покровител на овој спортски настан, а оваа година како медиумски покровител воведуваме многу новитети, наскоро ќе известиме за повеќе детали, а тоа за екипите ќе значи дополнителна промоција.
