Амбициозниот третолигаш Слога Виница претстави ново засилување за пролетната полусезона, станува збор за младиот Филип Николовски, кој доаѓа од редовите на второлигашот Каменица Саса.
20-годишникот потекнува од тимот на Македонска Каменица, а во Виница тој е четврто зимско засилување, со што Слога го потврдува тоа што Спортска Мрежа го најавуваше изминатиот период.
Клубот и во следниот период ќе продолжи да се засилува со што веќе се гради сериозно конкуренти тим кој во пролетниот дел на Трета лига – Исток нема да има проблем да го потврди првото место и шампионската титула, па ќе остане фокусот на баражот за Втора лига.
Претходно, како што веќе информираше Спортска Мрежа екипата на Слога Виница се засили со искусните Иван Настевски и Тони Мирчевски од второлигашот Детонит Плачковица, потоа со Љупче Христовски од Беласица.
