Дојран, и покрај што е мало место, секогаш имал голема љубов кон фудбалот. Младинска школа на фудбалскиот клуб Дојранско Езеро е доказ дека квалитетни фудбалери можат да произлезат од секое место на Македонија. Фудбалскиот клуб Дојранско Езеро е посветен на младинските категории води голема грижа за развојот на талентирани деца, им се дава голема шанса, а Дојран знае да даде талентирани играчи, кои може да настапат и во репрезентацијата на Македонија.
Еден од најголемите примери е Горан Мазнов, кој потекнува од Дојранско Езеро и со својата кариера во репрезентацијата на Македонија докажа дека талентот не познава граници. Мазнов е доказ дека дури и малите места можат да дадат големи фудбалски имиња, а во случајот тоа да е градот покрај најмалото природно езеро во Македонија.
Фудбалски клуб Дојранско Езеро има посветена младинска школа која се грижи за секое дете. Во моментот, клубот брои 65 млади фудбалери од различни генерации, од кои многу ветуваат за иднина. Младинска школа на дојранскиот клуб кој во сениорска конкуренција настапува во Третата македонска фудбалска лига – Исток нуди одлични услови за тренинг и напредок, со тројца искусни тренери кои секојдневно работат со младите фудбалери.
„Ние веруваме во потенцијалот на секое дете и ги нудиме сите потребни услови за успех, имаме прекрасен сопственик кој 99% сам го одржува клубот. Дечињата не плаќаат членарина, исто така имаат бесплатен превоз од дома до стадионот и назад, мислам дека сме еден од ретките клубови каде што на дечињата им е се бесплатно и секако многу внимание кон нашите млади фудбалери – тоа е нашата мисија“, вели за Спортска Мрежа, Петар Илиев, еден од тренерите во младинската школа на ФК Дојранско Езеро.
Клубот останува посветен на младинските категории, на развој на младите и талентирани фудбалери, со овозможени максимално одлични услови и што е најважно децата не плаќаат членарина што значи дека во прв план на ФК Дојранско Езеро е правилен и вистински развој на фудбалерите.
