Третолигашот Слога Виница продолжува со интензивните подготовки за пролетниот дел од сезоната, градејќи конкурентен тим за баражот за влез во Втората лига.
По ангажманот на искусните Иван Настевски и Тони Мирчевски од Детонит Плачковица, најновото име во редовите на виничкиот клуб е Љупче Христовски, кој пристигнува од редовите на Беласица.
Младиот и талентиран фудбалер, кој важи за перспективен играч, се очекува да внесе свежина и квалитет во тимот предводен од штипскиот стратег Емил Грнев.
Слога Виница, која има солидна бодовна предност пред Овче Поле од Свети Николе, не сака да остави ништо на случајност. Тимот ќе се обиде максимално подготвен да влезе во баражот и да обезбеди враќање во Втората лига.
Од клубот најавуваат дека во наредните денови се очекува уште едно големо засилување, кое ќе биде вистинска трансфер сензација за тимот од Виница.
