Екипата на Герасов вечерва се избори за пласман во големото полуфинале на Новогодишниот турнир во мал фудбал „Куклиш 2024“, откако преку пенали славеше над Гала Бау Роко Виери.
Во регуларниот дел резултат беше 2:2, двоен стрелец за победничката екипа беше Филип Неделковски, а пак за поразениот тим стрелци беа Насаф Шабанов и Аделин Кезимов.
Во пенал серијата тимот на Герасов беше подобар и со 2:0 во пенал-рулетот патува во големото полуфинале.
Во вториот меч патникот за полуфиналето одново се рашаваше преку пенал серијата, откако ФК Дрвош и Еклектик одиграа 2:2 во регуларниот дел. За тимот на Дрвош стрелци беа Ѓорги Трајков и Димче Манчев, а за тимот на Еклектик стрелци беа Тони Мичковски и Славче Митовски.
Утре на програмата ќе бидат останатите два четвртфинални натпревари, од 20:00 часот ќе се соочат СВР Струмица против Винарија Здравко , додека пак од 21 часот ќе се сретнат екипите на Вистони ЖП против Христмил Банско.
Спонзори и помагатели на „Куклиш 2024“ се Општина Струмица, Еклектик, Лав Комерц, Јови-МК, Никола Црнкаров, Агро-Драв-ВД, Едисон Јосе, Фреш Енд Драј, Криго-Каес, НП-Транс, Бимакс-Плус, Вен Воцар, Икарус, Стариот Џумбушлија, Христмил-Банско, Тера Пет Плус, Владо Банско, Печатница Дељо, Токи Еднокуќево, Термо-Митко и Флекс Компани.
Спортска Мрежа е медиумски покровител на овој спортски настан.
