Марјан Ристовски, доскорашен фудбалер на Брера Струмица, ја започнува својата интернационална кариера со преселба во грчкиот тим Кавала. Крилниот фудбалер потпиша договор со овој клуб и ќе се соочи со нови предизвици во грчката Втора лига.
Ристовски има богата кариера во македонскиот фудбал, играјќи за неколку прволигаши, вклучувајќи ги Брера Струмица од каде заминува во грчкиот тим, Вардар, Силекс, Работнички, Борец, Тиквеш и Кожуф.
Тој во дресот на Брера одигра 14 натпревари, при што на фудбалските терени помина 1072 минута, постигна три гола и имаше една асистенција.
Кавала моментално се наоѓа на последната позиција во втората лига на Грција, и со пристигнувањето на Ристовски и нови засилувања, клубот ќе се обиде да обезбеди опстанок во пролетниот дел од сезоната.
На 13 одиграни натпревари екипата на Кавала има само една победа, четири ремија и осум порази за вкупно седум бодови. Пролетната полусезона во Втората грчка лига започнува на 5. јануари, а новиот тим на Ристовски ќе игра дерби од дното против претпоследниот тим на Етникис.
Ристовски во Кавала е претставен како големо засилување, а тој треба да помогне во целта на тимот – опстанок во лигата.
