Новата сезона во Третата македонска фудбалска лига 2026/27 започнува овој викенд, а македонскиот третолигашки фудбал ќе биде поделен во шест регионални групи, една повеќе во однос на минатата сезона кога Трета лига беше организирана во пет региони. Вкупно 74 екипи ќе се борат за регионалниот врв, а шампионите на шесте региони потоа ќе ги одмерат силите во баражите за пласман во Втората македонска фудбалска лига.
Во Регион 1 ќе настапуваат 12 екипи: Њу Старс, Аеродром, Башкими Љуботен, БВК Коњаре, Беса Скопје, Илинден, Кул Здравје, Марино, Перпарими Нигиштан, Ржаничино, Студеничани и Фортуна. Во првото коло се среќаваат Студеничани – Кул Здравје, Беса Скопје – Марино, Аеродром – Илинден, Ржаничино – Перпарим Нигиштан, Фортуна – БВК Коњаре и Башкими Љуботен – Њу Старс.
Регион 2 брои 10 екипи: Куманово, Јуниор, Академија Осогово, Беса, Влазними, Козјак, Липково, Победа, Пчиња и Речица. Првата рунда носи дуели Козјак – Пчиња, Речица – Победа, Јуниор – Куманово, Липково – Влазними и Беса – Академија Осогово.
Најголем број екипи има Регион 4, каде што ќе се натпреваруваат 14 клубови. Вардар Неготино, ГФК Победа, Башкими Јаболчиште, Борец, Бучин, Венец, Влазними Јуниор, Големо Коњари, Млекар, Питу Гули, Победа Пепелиште, Росоман, Ултрас и Превалец ќе ја започнат битката за првото место. Во воведното коло се играат ГФК Победа – Превалец, Влазними Јуниор – Росоман, Бучин – Вардар Неготино, Големо Коњари – Башкими Јаболчиште, Победа Пепелиште – Питу Гули, Борец – Млекар и Венец – Ултрас.
Особено интересно се очекува да биде во Регион 3, со 12 екипи и неколку познати имиња од македонскиот фудбал. Овче Поле, Тиверија, Малеш, Ударник, Каменица Саса, Слога Виница, Победа Валандово, Карбинци, Брегалница Делчево, Хоризонт Турново, Огражден и Дојранско Езеро ќе се борат за регионалниот трон.
Веднаш на стартот има дерби меѓу Каменица Саса и Слога Виница, односно дуел на два тима кои минатата сезона настапуваа во Втората лига. Интересно ќе биде и во Делчево, каде Брегалница ќе се сретне со Хоризонт Турново. Првото коло ги носи и Овче Поле – Тиверија, Малеш – Ударник, Победа Валандово – Карбинци и Огражден – Дојранско Езеро.
Во Регион 5 ќе има 13 екипи: Баир Спорт, Влазерими Јуниор, Влазними, Демир Хисар, Караорман, Кравари, Крошу Спорт, Могила, Напредок Кичево, Напредок Ношпал, Преспа, Света Троица и Чардак. Првото коло носи шест натпревари, меѓу кои Кравари – Влазними, Караорман – Могила, Баир Спорт – Крошу Спорт и Напредок Кичево – Демир Хисар.
Во Регион 6, исто така со 13 екипи, ќе се натпреваруваат Гостивар, Јехона, Љуботен, Вардар Брвеница, Градец, Доброшти, Дрита, Кораб, Лирија, Речица, Скендербег, Џепчиште и Цетинска. Во првата рунда ќе играат Дрита – Јехона, Лирија – Доброшти, Скендербег – Кораб, Цетинска – Џепчиште, Љуботен – Градец и Гостивар – Вардар Брвеница.
Пред третолигашите е долга сезона исполнета со регионални пресметки, дербија и борба за бодови. Само шест екипи ќе стигнат до регионалната титула, а потоа ќе следува дополнителната битка за едно од местата кои водат кон Втората лига.
Фудбалниот викенд носи нова сезона, нови амбиции и нова трка за пласман во повисок ранг.
