Младата македонска атлетичарка Дарија Крстевска за прв пат ќе ја претставува Македонија на Светското првенство во Копенхаген, Данска, кое ќе се одржи на 19 и 20 септември.
19-годишната Крстевска ќе настапи во дисциплината трчање на 5 километри, каде што ќе има можност да се натпреварува со најдобрите атлетичарки од целиот свет.
За младата македонска атлетичарка ова ќе биде значаен настап на големата светска сцена и можност да стекне драгоцено искуство во конкуренција на врвни светски имиња во оваа дисциплина.
Крстевска во Копенхаген ќе се обиде да го даде својот максимум и со достоен настап да го претстави македонското атлетско знаме на Светското првенство.
