Дисциплинската комисија ги разгледа пријавите и извештаите од одиграните натпревари во МФЛ и донесе повеќе одлуки за изрекување дисциплински мерки кон фудбалери, тренери и официјални лица.
На фудбалерот на ФК Башкими 1947, Габриел Тенелеп, му е изречена забрана за настап на три натпревари, додека Биљал Исени и Бесјан Алију ќе паузираат по два натпревари.
На фудбалерот на ФК Брегалница 2008, Методи Максимов, му е изречена забрана за настап на еден натпревар.
Енис Фазлагиќ од ФК Шкендија Арачиново доби суспензија од два натпревари.
На тренерот на ФК Шкупи 1927, Исмаил Ферди, му е изречена забрана за вршење функција на два натпревари, додека Иван Варадиноски доби забрана за вршење функција во траење од еден месец.
Омер Сулејмани од ФК Македонија ЃП 1932 е суспендиран на еден натпревар.
Дисциплинската комисија воедно поведе постапка против Дурим Хида поради недолично однесување на натпреварот ФК Скопје – ФК Башкими 1947.
Дисциплинска постапка е поведена и против претставникот на ФК Башкими 1947, Ергин Шерифи, поради вербална расправија и недолично однесување кон судиите на истиот натпревар.
На комет администраторот на ФК Башкими 1947, Бесим Мустафи, му е изречена забрана за вршење функција во траење од еден месец.
На фудбалерот на ФК Шкендија, Ислами Дрилон, му е изречена забрана за настап на еден натпревар.
Рифадов Асан од ФК Детонит Плачковица е суспендиран на два натпревари, додека Мемедоски Бујамин од ФК Влазними Јуниор ќе паузира исто така два натпревари.
Најстрога санкција доби ФК Вардар. Поради слаба организација, нереди и прекин на натпреварот ФК Вардар – ФК Аресими, скопскиот клуб е казнет со парична глоба од 3.000 евра, а дополнително му е изречена и мерка забрана за присуство на публика на еден домашен натпревар.
