Утре се играат седум натпревари од првата фаза на Купот на Македонија, откако минатата недела беа одиграни пет средби. Познати се и судиите кои ќе ја делат правдата на мечевите кои ќе стартуваат во 16 часот.
Во Петровец, БВК Коњаре ќе го пречека Башкими каде Боби Величков ќе биде главен судија, а негови асистенти ќе бидат Александар Ајдаров и Андреј Ќамилов, а Ненад Тодоровски ќе ја има улогата на четврти судија.
Каменица Саса на домашен терен ќе игра против Шкупи, а правдата ќе ја дели Ивица Перовски, а ќе му помагаат Хабиљ ЉИворека и Метин Османи, а пак Пларент Салихи ќе биде четврти судија.
Тетекс како формален домаќин ќе игра против Брегалница во Штип, а улогата на главен судија ќе ја има Александар Василевски, а негови асистенти ќе бидат Бојан Иваноски и Виктор Здравев, додека пак Дарко Стојанов е четврти судија.
На Градскиот стадион во Радовиш ќе се игра мечот меѓу Детонит Плачковица и Шкендија Арачиново, правдата ќе ја дели Благојче Ралевски, а негови помошници ќе бидат Владимир Митревски и Николче Дрнковски, а пак Крумислав Ѓоргиев ќе биде четврти судија.
Првата фаза од Купот нови и реприза на дуелот меѓу Новаци и Охрид од првото коло на Новаци. Правдата ќе ја дели Ндерим Тефику, а ќе му помагаат Мартин Петковски и Александар Ѓурковски, а пак Влатко Илиоски е четврти судија.
Главен арбитар на средбата меѓу Кожуф и Гевгелија ќе биде Ангелчо Ристов, а негови асистенти ќе бидат Ване Дупкаров и Зоран Ангелов, а пак Доне Ристовски ќе биде четврти судија.
Реприза на мечот од првото коло на Втората лига ќе има во Кочани, каде Осогово ќе ја пречека Беласица, а правдата ќе ја дели Јордан Јовановски, а негови асистенти ќе биде Славе Станисавовски и Петр Манчев, додека пак Блаже Петковски ќе биде четврти судија.
Претходно, како што информираше Спортска Мрежа пласман во осминафиналето од Купот на Македонија обезбедија Струга Трим Лум, Пелистер, Македонија ЃП, Брера Струмица и Вардар.
