Викендот започнува новата сезона во Трета лига регион 3 со мечевите од првото коло. Во сезона 2026/2027 ќе се натпреваруваат 12 екипи, а веќе е познат и распоредот за првата рунда.
Во Свети Николе ќе се одигра натпреварот меѓу Овче Поле и Тиверија, Малеш во Берово ќе игра против Ударник од Пирава, првото коло носи и дерби на двата лански второлигаши Каменица Саса и Слога од Виница.
Карбинци ќе гостува во Валандово кај Победа, во Делчево дуел на екс прволигаши – Брегалница ќе го пречека Хоризонт Турново, новиот третолигашот Огражден од Ново Село ќе игра против Дојранско Езеро.
Првото коло ќе се игра в недела (13 септември) во 16:30 часот. Во есенскиот дел ќе бидат одиграни 11 кола, а есенскиот дел ќе заврши на 22 ноември.
Во новата сезона главни фаворити ќе бидат Овче Поле и Каменица Саса за бараж за Втора лига. Двете екипи подготовките ги стартуваа со една цел – влез во Втора лига. Минатата сезона „рударите“ од Македонска Каменица испаднаа од Втора лига и сега сакаат експресен кам-бек, а пак тимот од Свети Николе по долги години сака промоција во ранг погоре.
Според новата организација сега Струмица ќе биде Регионалниот центар и организатор на Трета лига регион 3, со што седиштето се сели од Кочани во Струмица.
