Второлигашот Пелистер од Битола го промовираше Мите Цикарски како најново засилување, кое доаѓа од редовите на Беласица.
Триесет и тригодишниот фудбалер ги покрива крилните позиции и носи големо искуство. Во својата кариера настапуваше за Македонија ЃП, Работнички и Брера Струмица, а беше дел и од У-19 тимот на Партизан (Србија).
Меѓународна кариера градеше настапувајќи во Грција за Етникос и ПАС Јанина, во Романија за Газ Метан, како и во Бугарија за Ботев Пловдив.
Во својата кариера двапати беше шампион со Вардар во сезона 2011/2012 и 2012/2013, а пак Купот на Македонија го освојуваше двапати. Првиот пат со Работнички во сезона 2014/2015 и со Вардар во сезона 2024/2025.
