Македонските судиите Ангелчо Ристов и Александар Николоски беа дел од судиската екипа која го водеше натпреварот за третото место на Медитеранските игри, во кој Италија до 18 години и Мароко се бореа за бронзениот медал.
Главен судија на средбата беше Ангелчо Ристов од Македонија, додека негов асистент беше сонародникот Александар Николоски. Втор асистент беше Ајмен Исмаил од Тунис, а улогата на четврти судија му припадна на Басем Белаид, исто така од Тунис.
На теренот подобро се снајде селекцијата на Мароко, која со убедливи 4-1 ја совлада Италија и го освои бронзениот медал на Медитеранските игри.
Двајцата перспективни македонски арбитри ја оправдаа довербата која ја добија од Фудбалската федерација на Македонија (ФФМ) и на најдобар начин ја претставуваа македонската судиска организација на голем меѓународен спортски настан.
Ангажманот на двајца македонски судии на натпревар за медал е уште една убавa потврда дека македонската арбитража има потенцијал и квалитет за настапи на меѓународно ниво.
