Фудбалскиот клуб Тиквеш продолжува со реализација на својата визија за градење млад и перспективен тим, а најново име во црвено-белото семејство е Адешина Лукман.
Младиот напаѓач во Кавадарци доаѓа со голема амбиција, енергија и желба за докажување, а од клубот веруваат дека поседува потенцијал за значаен развој во периодот што следува.
„Добредојде, Адешина Лукман. Млад напаѓач со амбиција, енергија и потенцијал – Лукман е уште еден дел од визијата што ја градиме во Тиквеш: да препознаваме талент, да развиваме млади фудбалери и заедно да создаваме иднина“, порачаа од кавадаречкиот клуб.
Тиквеш и во новата сезона продолжува да им дава простор на младите фудбалери, со цел постепено да ги интегрира во првиот тим и да создава стабилна основа за иднината.
