Лоши вести за Брегалница и сериозен удар за штипскиот тим – Давид Калпачки ќе биде надвор од терените подолг временски период поради тешка повреда.
Од клубот информираа дека Калпачки на еден од последните тренинзи заработил руптура, односно кинење на предните вкрстени лигаменти, повреда која ќе бара подолг период на опоравување.
Калпачки беше во одлична форма и се наметна како еден од најстандардните, најкорисните и најкреативните фудбалери во составот на Брегалница. Неговото отсуство претставува сериозен хендикеп за екипата, особено во период кога тимот ги гради своите амбиции и се подготвува за новите предизвици.
Сепак, пред Калпачки сега е најтешката битка – долгото враќање на фудбалскиот терен. Од Брегалница му испратија поддршка и му посакаа брзо и успешно закрепнување.
