Македонските третолигаши во моментот се на зимска пауза, а во следниот период дел од нив ќе градат тим во борбата за влез во Втора лига, но и во борбата за опстанок во Трета лига.
Во секој регион е различен број на екипи кои ќе испаѓа во Општинската фудбалска лига или Четвртата лига по ранг на натпреварување.
Начинот на испаѓање од Трета лига е дефиниран во член 54 од пропозициите за Третата македонска фудбалска лига.
Бројот на екипите кои испаѓаат од Третите лиги зависи од бројот на екипите кои се натпреварувале во третите лиги во сезоната 2024/2025. Во трета лига која брои до/и 12 екипи директно испаѓаат двете последно пласирани/ рангирани екипи на конечната или табелите од член 32а. Во трета лига која брои до/и 14 екипи директно испаѓаат три последно пласирани/ рангирани екипи на конечната или табелите од член 32а табела. Екипите пласирани на последователно повисоките позиции од погоре наведените во став 1 на овој член редоследно испаѓаат во зависност од територијалната припадност на екипите кои испаѓаат од Вторите лиги и пласманот на првакот во повисок ранг. Екипите кои се откажале или се дисквалификувани од натпреварувањето можат да го зголемат бројот на екипите кои испаѓаат од Третите лиги.
Во Трета лига – Исток се натпреваруваат десет екипи, додека пак во Трета лига – Југозапад и Запад се натпреваруваат по 12 екипи, а тоа значи дека од овие региони ќе испаднат последните две екипи. Во Трета лига – Север и Југ ќе испаднат последните три екипи, бидејќи во овие два региони се натпреваруваат 14 екипи.
Колку за информација во Трета лига – Југ веќе две екипи се откажани, односно тоа е Марена која воопшто и не започна со натпреварување и екипата на Обршани која во текот на есенскиот дел се откажа од натпреварување.
