Вечерва започнаа осминафиналните возбудувања на турнирот во мал фудбал „Куклиш 2024“ каде што победникот на првиот меч меѓу Еклектик и Чореви Транс се решаваше преку пенали, откако во регуларниот дел резултатот беше 3:3.
За Еклектик стрелци беа Младен Љумовиќ, Христијан Чукарски и Бојан Мичковски, а за имот на Чореви Транс двоен стрелец беше Трајче Митров, а еден гол постигна Христијан Крстев.
Во вториот меч тимот на СВР Струмица со 2:5 лесно се справи со Куклиш, во меч каде за поразениот тим Борис Ризов беше двоен стрелец, а пак за победникот двапати погоди Филип Зиламов, а по еднаш Мите Митров, Иље Петров и Серафимчо Тасев.
Во последниот меч Дрвош со 5:2 беше пресилен за тимот на Баламов Компани, со тоа што Александар Коцев постигна хет-трик за победничкиот тим, а по еден гол постигнаа Аце Ѓоргиев и Пепи Гугуљанов, додека пак за поразениот тим стрелци беа Оливер Маринковиќ и Крсте Тодоров.
Утре ќе биде слободен ден и нема да има натпревари, а возбудувањата продолжуваат во петок.
Спонзори и помагатели на „Куклиш 2024“ се Општина Струмица, Еклектик, Лав Комерц, Јови-МК, Никола Црнкаров, Агро-Драв-ВД, Едисон Јосе, Фреш Енд Драј, Криго-Каес, НП-Транс, Бимакс-Плус, Вен Воцар, Икарус, Стариот Џумбушлија, Христмил-Банско, Тера Пет Плус, Владо Банско, Печатница Дељо, Токи Еднокуќево, Термо-Митко и Флекс Компани.
Спортска Мрежа е медиумски покровител на овој спортски настан.
