Селекторот на македонската ракометна репрезентација, Кирил Лазров, го објави списокот на ракометари за подготовките и настапат на Светското првенство 2025 година, кое ќе се одржи во Хрватска, Данска и Норвешка.
На списокот се наоѓаат голманите Никола Митревски, Марко Кизиќ и Иван Галевски. Левите крила Петар Атанасијевиќ и Иван Џонов, а десните крила Никола Костески и Александар Петковски. На позицијата десни бекови ќе бидат Мартин Серафимов, Мартин Велковски и Томислав Јагуриноски, додека леви бекови ќе бидат Филип Кузмановски и Павле Атанасијевиќ.
Средни бекови се Марко Митев и Игор Ѓоргиев, а пикери ќе бидат Жарко Пешевски, Милан Лазаревски, Марко Стојковиќ и Валентин Карасманакис. За дефанзивци се повикани Никола Маркоски и Михајло Младеновиќ.
Како резерви, селекторот ги повика голманот Мартин Тимовски, лево крило Цветан Кузманоски, десно крило Никола Костески, пикерот Самоил Ристески, левиот бек Емилијан Ѓорговски, десниот бек Филип Николов, среден бек Марио Танковски и дефанзивец Миахил Аларов.
Собирот за подготовки е закажан за 22 декември во 07:30 часот.
Македонија е дел од групата Д, каде ќе се натпреварува против селекциите на Гвинеја, Холандија и Унгарија. Сите натпревари ќе се играат во Вараждин, Хрватска.
Првиот натпревар Македонија го игра на 15 јануари против Унгарија во 20:30 часот, потоа на 17 јануари ќе се соочи со Холандија во 18:00 часот, а на 19 јануари ќе ја заврши групната фаза со натпревар против Гвинеја, кој е закажан за 20:30 часот.
