Меморијалниот турнир во мал фудбал „Алмир Ибески – Алмо 2026“ во прилепско Дебреште ги доби сите свои четвртфиналисти. Вечерва се одиграа последните четири осминафинални натпревари, со што комплетирана е листата на осум екипи кои продолжуваат во борбата за трофејот.
Вечерва трибините беа преполни со публика која следеше атрактивни натпревари.
Во првиот вечерашен натпревар Поликлиника „Др. Спаско“ славеше со 2:1 против Десово Градба, обезбедувајќи место меѓу најдобрите осум.
Возбудливо беше и на дуелот меѓу Пикси Бојс и Цернилиште Куп, кој заврши со 3:5, по што понатаму продолжи Цернилиште Куп.
Цернилиште одигра одличен натпревар и убедливо со 5:1 го совлада Саждево, додека во последниот осминафинален дуел БХС Груп Саждево со 5:3 беше подобар од АТЦ АММО Самоков.
Претходно, своето место во четвртфиналето го обезбедија Пилана Жарко, која со 5:0 славеше над Б.У., Теута Сталоне Саждево, која по 3:3 во регуларниот дел со 2:1 на пенали го елиминираше Кадри Демироглу, Лисичани со победата од 3:0 над БВБ Пресил и Фасада Чајник, која со 2:0 ја совлада Могила.
Четвртфиналните двојки
Утре на програмата се четвртфиналните натпревари, кои носат нови возбудувања и директна битка за место во полуфиналето:
19:30 часот: Фасада Чајник – БХС Груп Саздево
20:00 часот: Пилана Жарко – Цернилиште
20:30 часот: Лисичани – Поликлиника „Др. Спаско“
21:00 часот: Цернилиште Куп – Теута Сталоне Саждево
Со тоа, турнирот влегува во највозбудливата фаза, каде што секој натпревар носи елиминација и само четири екипи ќе продолжат во полуфиналната битка за големиот трофеј на „Алмир Ибески – Алмо 2026“.
Спортска Мрежа е медиумски покровител на Меморијалниот турнир „Алмир Ибески – Алмо 2026“.
