Екипата на Новаци продолжува активно да го комплетира ростерот за новата сезона во Втората македонска фудбалска лига, а најново име во составот е Стефан Ивановски.
Станува збор за 22-годишен десен бек кој во Новаци пристигнува од Пелистер и со себе носи и искуство од настапи во највисокиот ранг на македонскиот фудбал.
Ивановски своите фудбалски почетоци ги имаше во битолски ЛГ Спорт, по што продолжи во Талент, а потоа направи трансфер во Пелистер. Во битолскиот клуб беше од 2017 година, минувајќи низ развојните категории и стигнувајќи до првиот тим.
Со ангажманот на Ивановски, Новаци добива дополнително решение на десната страна од одбраната, но и млад фудбалер кој веќе има искуство од сениорскиот фудбал.
Новаци во новата сезона влегува со сериозни амбиции, а раководството во изминатиот период работеше на значително освежување на составот. Пред Ивановски, во клубот пристигнаа Јусуф Каба, Никола Талески, Мартин Димоски, Стефан Спировски, Андреј Сиљаноски, Кирил Стојков и Петар Гугуљанов.
Со новите засилувања, тимот продолжува да го гради составот со кој ќе се обиде да биде конкурентен во второлигашката конкуренција во сезоната што следува.
Новата сезона ја отвара против Охрид во гости веќе в сабота.
