Денес беа одиграни четири од пет натпревари во Општинската фудбалска лига Гази Баба или Четврта лига по ранг на натпреварување.
Екипата на Маџари Солидарност со 1:2 славеше против Долно Коњари во големото дерби на колото кое го реши Златан Крстевски со два гола во финишот од мечот за победа преку претсврт, откако претходно на стартот од вториот дел Адмир Османовиќ постигна гол за водство на домашниот тим.
Овој меч е многу важен за Маџари Солидарност за атак на првото место и враќање во Трета лига – Север.
Марино преку двата гола во вториот дел на Фејзула Мухамедин дојде до победа од 0:2 над Миладиновци.
Ускуп на домашен терен преку пресврт беше поразен со 1:3 од тимот на Дељадровци.
Домашниот тим со голот на Сејд Сулејман дојде до водство од 1:0 во 10. минута, а во вториот дел следуваше комплетен пресврт. Горјан Величковски постигна два гола за 1:2, а пак Стефан Мартиновски во 88. минута ги постави конечните 1:3.
Инџиково на домашен терен немаше сили за Бујковци откако загуби со 3:7, па со ваква лото победа екипата на Бујковци е лидер на табелата во ОФЛ Гази Баба.
Стамчевски, Кипријановски и Јакимовски беа стрелци за домашнио тим, додека пак за гостинскиот тим Станковиќ беше стрелец на три гола, Аземи беше двоен стрелец, а по еден гол запишаа Крстевски и Митковски.
Дербито на поранешните третолигаши Петровец и Илинден не се одигра, бидејќи теренот бил поплавен и немало услови за игра, но не биле платени ниту трошоците за официјалните лица (судиите и делегатот) од страна на домаќинот.
„На теренот на ФК Петровец присутни двете екипи и официјалните лица. Главниот судија во присуство на двајцата капитени и делегатот констатираше дека нема услови за игра, поради тоа што теренот беше поплавен и немаше услови за играње, натпреварот не се одигра. Трошоците за официјалните лица – судиите и делегатот, не се платени од страна на домаќинот“, е наведено во делот за примедби од делегатот на официјалниот записник од мечот.
- ЦЕЛА ТАБЕЛА ОД ОФЛ ГАЗИ БАБА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК БУЈКОВЦИ | 10 | 8 | 1 | 1 | 35 | 10 | +25 | 25 |
| 2 | ФК ДОЛНО КОЊАРИ | 10 | 7 | 2 | 1 | 25 | 7 | +18 | 23 |
| 3 | ФК МАЏАРИ СОЛИДАРНОСТ-ЈУНИОР | 10 | 7 | 1 | 2 | 29 | 15 | +14 | 22 |
| 4 | ФК Марино 2024 | 10 | 5 | 2 | 3 | 24 | 11 | +13 | 17 |
| 5 | ФК ГОЦЕ ДЕЛЧЕВ(-3) | 10 | 5 | 3 | 2 | 30 | 19 | +11 | 15 |
| 6 | ФК ИЛИНДЕН | 9 | 4 | 1 | 4 | 16 | 17 | -1 | 13 |
| 7 | ФК ДЕЉАДРОВЦИ 2010 | 10 | 3 | 3 | 4 | 11 | 20 | -9 | 12 |
| 8 | ФК МИЛАДИНОВЦИ | 10 | 2 | 3 | 5 | 23 | 33 | -10 | 9 |
| 9 | ФК ИНЏИКОВО | 10 | 2 | 1 | 7 | 16 | 33 | -17 | 7 |
| 10 | ФК ПЕТРОВЕЦ | 9 | 1 | 2 | 6 | 11 | 27 | -16 | 5 |
| 11 | ФК УСКУП 1911 | 10 | 0 | 1 | 9 | 11 | 39 | -28 | 1 |
| 12 | ФК СКОПСКО ПОЛЕ | 0 | 0 | 0 | 0 | 0 | 0 | 0 | 0 |
