Македонската репрезентација до 18 години го освои шестото место на зонскиот турнир „Summer Cup“ во Анкара, откако во вчерашниот дуел за петтата позиција беше поразена од селекцијата на Хрватска со 2-1.
По израмнетата борба во сингл натпреварите, победникот беше решен во мечот во двојки, каде Кристијан Јанев и Ерион Незири загубија од Георге Гњидиќ и Хрвоје Јутреша со 2-1 во сетови.
Македонскиот дубл одлично го отвори натпреварот и го освои првиот сет со 6:4, но хрватските тенисери возвратија со 6:3 во вториот сет. Во решавачкиот супертaј-брејк тие беа посигурни и славеа со 10-6.
Претходно, Македонија поведе со 1-0 благодарение на победата на Кристијан Јанев над Ивон Јовановиќ со 2-1 во сетови (7:6(5), 1:6, 6:4). Хрватска израмни преку Георге Гњидиќ, кој беше подобар од Ерион Незири со 2-0 во сетови (6:2, 6:4).
На турнирот во Анкара, македонските тенисери во првото коло загубија од Турција со 3-0, а потоа остварија убедлива победа од 3-0 над Црна Гора.
Победник на Д зоната на „Summer Cup“ е Турција, која во финалето ја совлада Романија со 2-0 и обезбеди пласман понатаму.
