Македонскиот футсал шампион Проект за новата сезона се засили со голманот на македонската репрезентација, искусниот Иван Стојановски – Шваба.
35-годишниот Стојановски во тимот од Јосифово доаѓа од редовите на велешки Кеги Моби, а низ неговата кариера го чуваше голот на Форца, Шкупи, Арбен Бајрами, Велес и Биџо, а меѓународна кариера градеше во Косово, каде настапуваше за тимот на Вјоса.
Проект втората фаза од подготовките ја реализира во СЦ „Истатов“ во Дојран, каде има одлични услови за работа. Инаку, македонскиот шампион веќе ги дозна и противниците за групата во ЛШ. Тимот од Јосифово ќе игра во исклучително силна група, каде за ривали ќе ги има шампионите на Словенија – Врхника, Австрија – Атлетик Грац и Израел – Макаби. Натпреварите од оваа фаза ќе се одиграат во периодот од 25 до 30 август.
