Третолигашот Илинден дефинитивно е решен за влез во Втората македонска фудбалска лига, за што клубот веќе промовираше четири квалитетни екстра засилувања со што квалитетот во сопствените редови е подигнат значително.
Станува збор за Ален Јашароски, Филип Манасиевски, Кристијан Чурлинов и Дарко Глишиќ, кои веќе ставија потписи на договори со новиот клуб.
34-годишниот Јашароски е искусно име во македонскиот фудбал со над 300 настапи во Првата лига и со над 70 постигнати погодоци, Јашароски ќе биде одлично засилување во нападот на Илинден.
Низ неговата кариера настапуваше за Шкендија Арачиново од каде и пристигна во Илинден, за Силекс, Воска Спорт, Скопје, Ренова, Македонија ЃП, Шкупи, Еуромилк ГЛ, Работнички, Хоризонт Турново и Металург, а во странство настапуваше за Приштина од Косово.
Манасиевски кој има 25 години е биде големо засилување во дефанзивата, а доаѓа од второлигашот Детонит Плачковица. Низ неговата кариера настапуваше и за Кожуф, Борец, Осогово, и Вардар.
Десниот бек Чурлинов кој има 25 години доаѓа од Каменица Саса, а претходно настапуваше за Шкендија Арачиново, Тетекс, Силекс, Скопје и младинските категории на Работнички, Брегалница и Вардар.
Во дресот на Илинден следната сезона ќе го гледаме и екс репрезентативецот на Македонија, Дарко Глишиќ, кој во својата кариера има настапувано и за клубови од Грузија, Бугарија, Босна и Херцеговина и Кипар, а 34-годишниот лев бек доаѓа од Скопје во редовите на амбициозниот третолигаш. Настапуваше и за Гостивар, Вардар, Шкупи, Тетекс, кичевски Напредок.
