Вечерва беше отворено 9. коло во Втората футсал лига, во меч каде Кратово со 9:4 запиша голема победа над тимот на Каршиака.
Градската сала во Кратово беше исполнета до последното седиште, поддршка за нивниот миленик, но и поддршка и спортски поздрав за капитенот и голман Зоран Јакимовски, кој се повлекува од професионалниот спорт поради здравствени причини.
Ѓорѓи Ивановски постигна три гола, двоен стрелец беше Димитар Стојановски, а по еден гол за Кратово постигнаа Бобан начковски, Адријан Ефремов и Горан Арсовски.
За гостинскиот тим стрелци беа Фуркан Ќани, Нехат Емини, Садам Куртиши и Неџати Шабани.
Погледнете ја атмосферата од Градската сала во Кратово и изјавата на Јакимовски за Спортска Мрежа.
Утре ќе бидат одиграни уште четири натпревари, а колото ќе се комплетира во понеделник.
