Вечерва нови четири возбудливи натпревари на турнирот во мал фудбал „Ораовица 2026“, за ново комплетно уживање на верната публика, која покрај добриот фудбал ќе има можност да ужива во добра скара и ладно пиво.
Програмата стартува во 20 часот со дуелот во кој Мена Транс ќе го предизвикува ФАФА Транспорт, дуел на „транспортери“ каде само триумф е цел.
Еден час подоцна Даниел Инженеринг ќе оди на мегдан против „шлеперите“ на Мена Транс, кој претходно ќе „возат една тура“, па може да ги стигне замор.
Во 22 часот Вергови ќе оди на дуел со Даниел Инженеринг, каде се очекува неизвесно соочување за трите бодови. Вечерта се затвара во 23 часот со дуелот меѓу Интер Пласт и Studio Beauty Steysu.
Спортска Мрежа и годинава е медиумски покровител на овој спортски настан, кој се одржува во радовишкото село Ораовица.
