Дебитантот во Втората македонска фудбалска лига, Камјани одигра пријателски натпревар со Тетекс, каде со резултат од 2:0 новајлијата беше подобар на овој тест-меч.
Веби Ислами и Бленд Џемаили беа стрелци за Камјани, кој за првпат ќе настапи во второлигашката конкуренција.
Стручните штабови на двете екипи им дадоа шанса на сите фудбалери, ротираа и комбинираа на терен со цел да се провери формата и како оди подигањето на истата пред стартот на новата сезона.
Камјани во првото коло ќе гостува во Битола кај Пелистер, а пак Тетекс ќе гостува кај Македонија ЃП.
