Вечерва продолжија возбудувањата на Меморијалниот турнир „Влатко Петров“ во штипска Чардаклија со четири нови натпревари.
Во рамки на првиот меч екипата на Blagica Kitchen со убедливи 5:1 го „прегази“ Каров Шпед Шкорпион за висока победа.
Екипата на Blagica Kitchen одигра уште еден меч овој пат на мегдан беше против No Stop Transport, но се намачи за да го освои целиот „плен“ откако тримфираше со 7:8.
На тој начин Blagica Kitchen стигна до две победи во една вечер.
Во третиот меч силите ги одмерија Динамо Штип и Мист Пласт, каде ссотавот на Динамо беше подобар со 5:2 додека пак во четвртиот меч за оваа вечер Џоле Транс Коп ја доби Магна со резултат од 9:4.
Публиката проследи четири атрактивни натпревари со многу погодоци, а најнеизвесно беше на вториот меч, каде имаше вистинска драма за решавање на победникот.
Распоред за четврток (23 јули)
20:00 часот Супер Термити – Мист Пласт
20:50 часот Супер Термити – МАГНА
21:40 часот Meta Pixels – КМФ Кратово
22:30 часот КМФ Кратово – Фаланга Штип
Спортска Мрежа и годинава е медиумски покровител на овој спортски настан.
