Организаторите на Меморијалниот турнир во мал фудбал „Алмир Ибески – Алмо“ известија дека почетокот кој беше предвиден за 20 јули се одложува, а со тоа продолжува и пријавувањето на екипите.
Причината поради која се одложува почетокот на турнирот според предвидениот рок е уредување на мрежата околу спортскиот терен, како и средувањето на бекатонските плочки околу џамијата.
Организаторите известија дека за новиот термин, ждрепката и почетокот на турнирот навремено ќе информираат.
Досега на турнирот се пријавија 20 екипи, а пријавувањето е отворено за секоја нова екипа која сака да учествува на турнир со силна конкуренција.
Првопласираниот тим ќе освои 250.000 денари, второпласираниот тим 150.000 денари, за третиот тим е обезбедена парична награда од 80.000 денари, а пак за четвртото место се предвидуваат 10.000 денари.
За најдобриот играч обезбедена е награда од 6.000 денари, а пак најдобриот голман ќе инкасира 4.000 денари.
Котизацијата за учество по екипа е 8.000 денари, а пријавувањето можете да го направите на 071/833-620, 070/647-289 и 078/680-825.
„Професионални судии и бод-систем ќе гарантираат фер и квалитетен турнир. Екипата ќе биде официјално пријавена и објавена по извршена уплата на трансакциската сметка или кај лицата одредени за организација на турнирот“, велат организаторите на турнирот.
Спортска Мрежа и годинава ќе биде медиумски покровител на овој турнир, а на кој наградниот фонд изнесува фантастични 500.000 денари.
