Детонит Плачковица денес ги започна подготовките за новата сезона во Втората македонска фудбалска лига, откако шефот на стручниот штаб Горан Здравков ја имаше првата прозивка.
На првиот тренинг присуствуваше и новото засилување Махир Ајрули кој доаѓа од редовите на Каменица Саса, а од утре ќе се приклучи и Филип Димоски, напаѓач кој пристигна од тимот на Осогово, а ново име ќе биде и Бранимир Иванов од Брегалница. Во тимот се приклучени и неколку млади фудбалери.
Според информациите на Спортска Мрежа во следните денови ќе има уште неколку засилувања со што ќе се комплетира ростерот, а ќе бидат одиграни и неколку пријателски натпревари преку кои ќе се проверува како оди подигањето на формата за новата сезона.
Новата сезона радовишани ја отвараат на Чаир против ланскиот прволигаш Шкупи, а првиот домашен меч ќе биде против Охрид.
