Организаторот на Меморијалниот турнир во мал фудбал „Влатко Петров 2026“ ги објави групите за овогодинешното издание на еден од најатрактивните турнири во источниот дел на Македонија, кој и ова лето ќе се одржи во Чардаклија, Штип.
На турнирот ќе настапат 20 екипи поделени во четири групи, а љубителите на малиот фудбал ќе имаат можност да проследат голем број возбудливи натпревари и неизвесна борба за пласман во елиминациската фаза.
Во Групата 1 ќе се натпреваруваат Мета Pixels, Камлес Градба, Фаланга Штип, Радање и КМФ Кратово.
Во Групата 2 се наоѓаат Динамо Штип, МАГНА, Мист Пласт, Цоле Транс Коп и Супер Термити од Битола.
Групата 3 ја сочинуваат Украс Инк, Чардаклија Сениори, Техногума-Мела, Шампиони и Перо и Тајфата.
Во Групата 4 ќе играат No Stop Transport, Tobis Agro, Blagica Kitchen, Каров Шпед – Шкорпиони и Компанија Атанасовски.
Турнирот и оваа година ќе понуди богат награден фонд од 350.000 денари, при што победникот ќе освои 180.000 денари, второпласираната екипа ќе инкасира 100.000 денари, третото место носи 50.000 денари, а четвртопласираниот тим ќе добие 10.000 денари.
Интересот за меморијалниот турнир и годинава е голем, а според составот на групите се очекуваат квалитетни и неизвесни натпревари уште од првата фаза, во чест на прерано починатиот Влатко Петров.
Дополнително, како што објави Спортска Мрежа, теренот во Чардаклија доби и нови современи трибини, а со тоа љубителите ќе имаат можност да уживаат во добрите натпревари во далеку подобри услови.
Спортска Мрежа и оваа година како и во изминатите пет години медиумски ќе го поддржи овој спортски настан од меморијален карактер.
